افتح شبابيك الغلا جيتك اليوم

افتح شبابيك الغلا جيتك اليوم..
بحساس من زود الغلا وده يطير..
جيتك مثل طفل له أيام محروم"..
عن حضن امه ابعدته المقادير...
وجيتك مثل عودن له أيام مهموم"..
وده يلاقي باخر العمر تقدير..
وجيتك حضن عاشق وهايم ومغروم"..
وده يضمك لين تصبح ع خير...

متى تحس أن الهوى شي مقسوم؟؟!!
من قسمه الخالق على خلقه يصير..

متى تحس اني لك أطيح وأقوم؟؟!!
واتعب على شانك وأقدرك وأغير..

لي في هواك احلام وامال وعلوم..
وأحزاب وأصحاب وقصيد وجماهير..
وهموم وافكار وهواجيس وحلوم..
ودروب واخطار وعذاب ومشاوير..
وحب وغلا واخلاص ومعاند ولوم..
واحساس والهام وشعور وتفاكير..
وصحبه سهر ومقاطعه لذه النوم..
واشواق جياشه وعشق وتعابير..
في ذمتك مابان لك شي مكتوم؟!
من بعد ما صورت لك الاوضاع تصوير..
لا تحسب انك شي عابر ومعدوم..
في ذمتي حبك يفوووق الاساطير..
كني لقيتك باغنيه لام كلثوم..
وكني قريتك في روايه شكسبير..
من ماضي الايام ليومك اليوم..
وغلاك عندي ماحصل فيه تغيير..
وأنا لك الله ماقبل البيع والسوم..
ولا ارضى علي ولا عليك المخاسير..
لاني الوحيد اللي على بحرك يعوم..
واللي عرف مرساه في رحله السير..

عجبتنـي ونقلتهـآ لكـم